ຊ່ວຍຊີວິດສັດປ່າລາວ
Volunteer Today!
ໂຄງການອາສາສະໝັກລ້ຽງສັດ
ໂຄງການອາສາສະໝັກທ້ອງຖິ່ນ
ໂຄງການອາສາສະໝັກສັດຕະວະແພດ
ໂອກາດການຝຶກງານ
ໂຄງການອາສາສະໝັກມືອາຊີບ
ອາສາສະໝັກເປັນຫົວໃຈສຳຄັນຂອງທຸກສິ່ງທີ່ພວກເຮົາເຮັດຢູ່ LCTW ນີ້ ແລະ ພວກເຮົາຈະບໍ່ສາມາດບັນລຸເປົ້າໝາຍໄດ້ ຖ້າຂາດການສະໜັບສະໜູນຈາກທ່ານ! ໂຄງການອາສາສະໝັກຂອງພວກເຮົາແມ່ນສຸມໃສ່ການຮັກສາສະຫວັດດີການສັດໃຫ້ໄດ້ມາດຕະຖານສູງ ແລະ ປັບປຸງຄອກສັດຕ່າງໆຂອງພວກເຮົາ ເພື່ອຮອງຮັບການກອບກູ້ສັດໃໝ່. ຄວາມທຸ່ມເທ ແລະ ການເຮັດວຽກຢ່າງໜັກໜ່ວງຂອງທ່ານສ້າງແຮງກະແທກຢ່າງແທ້ຈິງ!
ຢູ່ທີ່ LCTW ພວກເຮົາມອບປະສົບການທີ່ມີຈັນຍາບັນ ແລະ ຄວາມຍືນຍົງ ພ້ອມທັງນະໂຍບາຍທີ່ບໍ່ສຳຜັດສັດຢ່າງເຂັ້ມງວດ.
ພວກເຮົາມີເປົ້າໝາຍທີ່ຈະປ່ອຍສັດທີ່ພວກເຮົາກອບກູ້ມາ ກັບຄືນສູ່ທຳມະຊາດໃຫ້ຫຼາຍທີ່ສຸດເທົ່າທີ່ຫຼາຍໄດ້. ສັດຈະຢູ່ລອດໄດ້ ກໍ່ຕ້ອງອາໄສສັນຊາດຕະຍານແບບທຳມະຊາດ. ໝາຍຄວາມວ່າມີການລະມັດລະວັງມະນຸດ ແລະ ບໍ່ເຂົ້າໃກ້ມະນຸດ ເພື່ອຂໍອາຫານ ຫລື ຄວາມສົນໃຈອື່ນໆ.
ເຖິງແມ່ນວ່າສັດທີ່ຢູ່ໄລຍະຍາວໃນສູນຂອງພວກເຮົາ ເຊິ່ງຫຼາຍໂຕມີບັນຫາສຸຂະພາບຢ່າງຖາວອນທີ່ເປັນການຂັດຂວາງການປ່ອຍສູ່ປ່າ ແຕ່ພວກມັນກໍ່ມີບົດບາດສຳຄັນໃນການສອນພຶດຕິກຳທີ່ເປັນທຳມະຊາດໃຫ້ແກ່ສັດໂຕໜຸ່ມນ້ອຍທີ່ພວກເຮົາກອບກູ້ມາ.
ດ້ວຍເຫດນີ້, ວຽກອາສາສະໝັກຂອງພວກເຮົາແມ່ນສຸມໃສ່ວິທີການທີ່ທ່ານສາມາດເສີມສ້າງໃຫ້ຊີວິດຂອງສັດຈຳພວກນີ້ດີຂຶ້ນ ໂດຍບໍ່ຕ້ອງສຳຜັດກັນ ເພື່ອເພີ່ມຜົນປະໂຫຍດໃນໄລຍະຍາວຂອງພວກມັນ.
ສຳລັບຄົນຕ່າງປະເທດ, ພວກເຮົາມີສອງໂຄງການໃຫ້ເລືອກ: ໂຄງການລ້ຽງສັດ ແລະ ໂຄງການສັດຕະວະແພດ. ທ່ານມີຄວາມຫຼົງໄຫຼໃນການເບິ່ງແຍງສັດຢ່າງມີຈັນຍາບັນ ແລະ ມີຄວາມກະຕືລືລົ້ນສະໜັບສະໜູນການບຳບັດ-ຟື້ນຟູ ແລະ ການປົກປ້ອງສັດທີ່ໃກ້ສູນພັນບໍ? ຢ່າລືມຕິດຕາມ ແລະ ມີສ່ວນຮ່ວມໂດຍກົງໃນການເບິ່ງແຍງ ແລະ ການອະນຸລັກພວກມັນ.
ສຳລັບຄົນລາວໃນທ້ອງຖິ່ນ ພວກເຮົາມີໂຄງການອາສາສະໝັກທ້ອງຖິ່ນ. ທ່ານອາໄສຢູ່ໃນລາວ ແລະ ຢາກສ້າງຄວາມແຕກຕ່າງໃນການອະນຸລັກສັດປ່າບໍ? ມາຮ່ວມເປັນອາສາສະໝັກກັບພວກເຮົາ ເພື່ອຮ່ວມສະໜັບສະໜູນການສຶກສາສະຫວັດດີການສັດ ແລະ ສົ່ງເສີມການອະນຸລັກສັດປ່າໃນ ສປປ ລາວ.
ສຳລັບໂຄງການອາສາສະໝັກມືອາຊີບຂອງພວກເຮົາ ພວກເຮົາຂໍເຊີນຜູ້ທີ່ມີຄຸນວຸດທິ ຫຼື ມີຄວາມຊ່ຽວຊານໃນດ້ານໃດດ້ານໜຶ່ງໂດຍສະເພາະມາຮ່ວມງານກັບພວກເຮົາ. ຖ້າທ່ານມີປະສົບການດ້ານການເຮັດວຽກມາກ່ອນ ບໍ່ວ່າຈະເປັນການຕະຫຼາດ ຫຼື ສັດຕະວະແພດ ແລະ ມີຄວາມປາຖະໜາທີ່ຈະບໍລິຈາກຄວາມສາມາດຂອງທ່ານ ເພື່ອສະໜັບສະໜູນພາລະກິດຂອງພວກເຮົາ, ຮຽນຮູ້ວິທີການທີ່ທ່ານສາມາດມີສ່ວນຮ່ວມ
ແຕ່ລະໂຄງການມີວິທີການຊ່ວຍເຫຼືອທີ່ຫຼາກຫຼາຍຂຶ້ນຢູ່ກັບປະສົບການ ແລະ ຄວາມສົນໃຈຂອງທ່ານ. ລອງເບິ່ງວິທີການຕ່າງໆຂ້າງລຸ່ມນີ້ ແລະ ຊອກຫາວິທີທີ່ເໝາະສົມທີ່ສຸດໃນການມີສ່ວນຮ່ວມ!