ຈອງທົວປະຈົນໄພເບິ່ງສັດປ່າໄດ້ໃນມື້ນີ້
ພວກເຮົາມີທົວຫຼາກຫຼາຍຮູບແບບ ເພື່ອຕອບສະໜອງຕາມຄວາມສົນໃຈ ແລະ ລະດັບກິດຈະກຳຂອງແຂກທຸກຄົນ ໂດຍນັບຕັ້ງແຕ່ຜູ້ມາຢ້ຽມຊົມທົ່ວໄປ ໄປຈົນເຖິງຜູ້ທີ່ມີຄວາມຫຼົງໄຫຼໃນການອະນຸລັກສິ່ງແວດລ້ອມ. ບໍ່ວ່າຈະເປັນການຍ່າງຫຼິ້ນຜ່ານເຂດອະນຸລັກພັນສັດປ່າຂອງພວກເຮົາ ຫຼື ຍ່າງປ່າແບບປະຈົນໄພ ໂດຍຈະມີໄກ້ທີ່ເປັນຜູ້ຊ່ຽວຊານດ້ານສັດປ່ານຳພາທ່ານ ເຊິ່ງໄກ້ຈະໄດ້ແບ່ງປັນຄວາມຮູ້ກ່ຽວກັບສັດປ່າ, ຖິ່ນທີ່ຢູ່ອາໄສຂອງສັດ ແລະ ວຽກງານຂອງສູນພວກເຮົານີ້ໃຫ້ທ່ານ. ໃນບາງທົວທ່ານຍັງຈະໄດ້ກິນອາຫານລາວທີ່ເຮັດໂດຍຄົນລາວໃນທ້ອງຖິ່ນນີ້ ຖືວ່າເປັນວິທີທີ່ສົມບູນແບບໃນການສຳຜັດກັບທຳມະຊາດ, ຮຽນຮູ້ກ່ຽວກັບການອະນຸລັກສັດປ່າ ແລະ ສຳຜັດກັບຄວາມສວຍງາມຂອງວັດທະນະທຳລາວດ້ວຍຕົວທ່ານເອງ!
ການຍ່າງເບິ່ງຊົມພາຍໃນສູນ
ການຍ່າງປ່າເບິ່ງຊົມໝີ
ການຍ່າງປະຈົນໄພເບິ່ງສັດປ່າ
ທົວນີ້ເໝາະສົມສຳລັບທຸກເພດທຸກໄວ ແລະ ທຸກຄວາມສາມາດ! ທົວແບບນີ້ທ່ານຈະໄດ້ເຫັນສັດທີ່ພວກເຮົາກອບກູ້ມາຈາກການຄ້າສັດປ່າທີ່ຜິດກົດໝາຍ ເຊິ່ງປັດຈຸບັນນີ້ ພວກມັນກຳລັງຈະເລີນເຕີບໂຕຢູ່ໃນຄອກທຳມະຊາດທີ່ສວຍງາມ. ນອກຈາກນີ້, ທ່ານຍັງຈະໄດ້ຮັບຄວາມເຂົ້າໃຈຢ່າງຈະແຈ້ງ ແລະ ເລິກເຊິງກ່ຽວກັບໂຄງການປະສົມພັນສັດ ເພື່ອການອະນຸລັກຂອງ LCTW ເຊິ່ງມີການປະສົມພັນສັດທີ່ໃກ້ຈະສູນພັນຂັ້ນຮຸນແຮງ ເພື່ອຈະໄດ້ລູກສັດນ້ອຍມາຊ່ວຍຟື້ນຟູ ແລະ ເສີມສ້າງປະຊາກອນສັດປ່າໃນລາວ. ມັນເປັນປະສົບການທີ່ເປັນເອກະລັກແທ້ໆທີ່ທ່ານຈະບໍ່ພົບຢູ່ບ່ອນໃດໃນປະເທດລາວ.